அரசுப்பணிகளில் பெண்களுக்கான இட ஒதுக்கீடு 30 சதவீதத்திலிருந்து 40 சதவீதமாக உயர்த்தப்படும் என்று மனித வள மேலாண்மை துறை அமைச்சர் பழனிவேல் தியாகராஜன் தெரிவித்துள்ளார்.
மேலும், கொரோனாவால் பெற்றோரை இழந்த இளைஞர்களுக்கு அரசுப்பணியிடங்களில் முன்னுரிமை அளிக்கப்படும் என்று தெரிவிக்கப்பட்டுள்ளது.
அதேபோல், முதல் தலைமுறை பட்டதாரி, தமிழ் வழியில் படித்தவர்களுக்கும் அரசுப்பணியில் முன்னுரிமை அளிக்கப்படும்.
கொரோனா பெருந்தொற்று காரணமாக பணியாளர் தெரிவு முகமைகளால் நடத்தப்படும் அரசு பணிகளுக்கான போட்டி தேர்வுகள் தாமதமானால் நேரடி நியமன வயது, உச்ச வரம்பு இரண்டு ஆண்டுகளாக உயர்த்தப்படும்.
100 சதவீதம் தமிழக இளைஞர்களுக்கு வேலை வாய்ப்பு கிடைக்கும் வகையில் தேர்வு முகமைகளால் நடத்தப்படும் அனைத்து போட்டித் தேர்வுகளிலும் தமிழ் மொழி பாடத்தாள் தகுதி தேர்வாக கட்டாயமாக்கப்படும்.
அண்ணா மேலாண்மை நிலையத்தின் காட்சி ஊடகப்பாதை செயல் பாட்டினை மேம்படுத்தும்வ கையில் ரூ50 லட்சம் மதிப்பீட்டில் பிரத்யேகமாக ஒரு படப்பிடிப்புத்தளம் அமைக்கப்படும். மற்றும் அதற்கான அனைத்து உபகரணங்களும் வாங்கப்படும் என்றும் கூறப்பட்டுள்ளது.
தமிழகத்தில் 9 மாவட்டங்களுக்கு 2 கட்டங்களாக,ஊரக உள்ளாட்சித் தேர்தல் நடைபெறும் என தமிழக தேர்தல் ஆணையர் பழனிகுமார் இன்று அறிவித்துள்ளார். தமிழகத்தில் விடுபட்ட மாவட்டங்களான காஞ்சிபுரம், செங்கல்பட்டு, வேலூர், ராணிப்பேட்டை, திருப்பத்தூர், விழுப்புரம், கள்ளக்குறிச்சி, நெல்லை, தென்காசி ஆகிய 9 மாவட்டங்களிலும் 2 கட்டங்களாக, அக்டோபர் 6 மற்றும் 9 ஆகிய நாட்களில் ஊரக உள்ளாட்சித் தேர்தல் நடைபெறும் என்று தெரிவிக்கப்பட்டுள்ளது. தமிழகத்தில் 9 மாவட்டங்களில் மொத்தம் 14,573 வாக்குச்சாவடிகளில் […]
