கொரோனா தொற்றுக்கு எதிராக நாடு முழுவதும் பல்வேறு தடுப்பூசிகள் பயன்படுத்தப்பட்டு,பொதுமக்களுக்கு செலுத்தப்பட்டு வருகிறது. இந்தியாவில் குறிப்பாக கோவிஷியல்ட் ,கோவாக்ஸின் மற்றும் ஸ்புட்னிக் v தடுப்பூசிகள் இந்தியாவில் அனுமதிக்கப்பட்டு, செலுத்தப்பட்டு வருகிறது.இந்த தடுப்பூசிகள் முதல் தவணையாக செவிலியர்களுக்கு ,முன்கள பணியாளர்களுக்கும் செலுத்தப்பட்டது, பின்னர் 45 வயது மேற்பட்டோருக்கு செலுத்தப்பட்டது.
இந்நிலையில் தற்போது 12 வயதுக்கு மேற்பட்டோருக்கான ஜைகோவ்-டி (ZyCov-D) என்ற தடுப்பூசியை அவசர காலப் பயன்பாட்டின் கீழ் பயன்படுத்த மத்திய மருந்து கட்டுப்பாடு ஜெனரல் அமைப்பு இன்னும் சில நாட்களில் அனுமதி வழங்க உள்ளதாக தகவல் வெளியாகி உள்ளது.
ஜைகோவ்-டி தடுப்பூசியானது 18 வயதுக்கு மேற்பட்டோரிடமும், அதே போல 12 வயதுக்கு மேற்பட்டோரிடமும் செலுத்தப்பட்டு பரிசோதிக்கப்பட்டுள்ளது. பரிசோதனையின் அடிப்படையில், ஜைகோவ்-டி தடுப்பூசி திருப்திகரமான செயல்பாட்டைக் கொண்டிருந்ததாக நிபுணர்கள் தெரிவித்துள்ளனர்.
தேசிய வல்லுநர் குழுவின் தலைவர் என்.கே.அரோரா தடுப்பூசி குறித்து கூறுகையில்,
- 12 முதல் 18 வயது வரையிலான குழந்தைகளுக்கு தடுப்பூசி போடும் திட்டம் வரும் செப்டம் மாதம் தொடங்கும். எனினும், இந்த தடுப்பூசியை அவசரப் பயன்பாட்டுக்காக அனுமதி சில வாரங்களில் வழங்கப்பட உள்ளது,” என்று கூறினார்.
- 12 முதல் 18 வயதுக்குட்பட்ட குழந்தைகளுக்கு ஜைகோவ்-டி பாதுகாப்பானது என்று தரவு காட்டுகிறது, ஆண்டுதோறும் 100-120 மில்லியன் டோஸ் தடுப்பூசியை தயாரிக்க திட்டமிட்டுள்ள நிறுவனம் தெரிவித்துள்ளது.
- ஜைடஸ் ஒப்புதல் பெற்றவுடன், ஜைகோவ்-டி இந்தியாவில் பயன்படுத்த அங்கீகரிக்கப்பட்ட ஐந்தாவது கொரோனா எதிர்ப்பு தடுப்பூசியாக இருக்கும் என்று கூறப்பட்டுள்ளது.மேலும்,அடுத்த வாரம் தடுப்பூசி ஆய்வு வல்லுநர் ஆலோசனை கூட்டம் நடைபெற உள்ளது. இந்த கூட்டத்தில் ஜைகோவ்-டி தடுப்பூசி தயாரிப்பு நிறுவனத்தின் சார்பில் பங்கேற்போர், தங்கள் தடுப்பூசியின் திறனை நிரூபிக்க வேண்டும் என்று அறிவுறுத்தப்பட்டுள்ளது குறிப்பிடத்தக்கது.
