இந்தியாவில் கொரோனா தொற்றின் இரண்டாவது அலை ஓய்ந்து வந்த நிலையில், கடந்த ஓரிரு நாட்களாக தினசரி கொரோனா பாதிப்பு தொடர்ந்து அதிகரித்து கொண்டே வருகிறது. இன்றைய கொரோனா பாதிப்பு நேற்றைய பாதிப்பை விட சற்று குறைந்துள்ளது.
இந்தியா முழுவதும் கடந்த 24 மணிநேரத்தில் 35,499 பேருக்கு கொரோனா தொற்று உறுதி செய்யப்பட்டுள்ளது. அதிகபட்சமாக கேரளாவில் 18,607, மகாராஷ்டிராவில் 5,508, ஆந்திராவில் 2,050, தமிழ்நாட்டில் 1,956, கர்நாடகாவில் 1,598, ஒடிசாவில் 1,243 பேர் பாதிக்கப்பட்டுள்ளனர்.மொத்த பாதிப்பு 3,19,69,954 ஆக உயர்ந்துள்ளது.
கொரோனா பாதிப்பால் மகாராஷ்டிராவில் 151, கேரளாவில் 93, ஒடிசாவில் 69 பேர் உள்பட நேற்று 447 பேர் இறந்துள்ளனர். இதனால் நாடு முழுவதும் கொரோனா தொற்றால் உயிரிழந்தவர்களின் மொத்த எண்ணிக்கை 4,28,309 ஆக உள்ளது.
மத்திய சுகாதாரத்துறை அமைச்சகம் வெளியிட்ட அறிக்கையின் படி, இதுவரை கொரோனா பாதிப்பிலிருந்து குணமடைந்தவர்களின் மொத்த எண்ணிக்கை 3,11,39,457 ஆக உள்ளது.
இந்தியாவில் கொரோனா தொற்றால் பாதிக்கப்பட்ட 4,02,188 பேருக்கு மருத்துவமனையில் சிகிச்சை அளிக்கப்படுகிறது.நாட்டில் இதுவரை மொத்தம் 50 கோடியே 86 லட்சம் டோஸ் தடுப்பூசிகள் போடப்பட்டுள்ளது.
கொரோனாவின் இரண்டாவது அலை படிப்படியாக குறைந்து வந்தாலும், கொரோனா தடுப்பு விதிகளை மக்கள் முறையாக கடைப்பிடிக்காவிட்டால் மூன்றாவது அலை ஏற்படும் அபாயம் உள்ளதாக மருத்துவ நிபுணர்கள் கூறுகின்றனர்.
