2020 ஆம் ஆண்டு டிசம்பர் திங்களில் தமிழ்நாடு அரசு பணியாளர் தேர்வாணையத்தால் நடத்தப்பட்ட துறை தேர்வுகளில் 129 தேர்வுகளில், எந்தெந்த தேர்வுகளின் முடிவுகள் வெளியிடப்பட்டுள்ளன என்ற பட்டியலும் 08.05.2021 அன்று TNPSC தேர்வாணைய இணையதளத்தில் வெளியிடப்பட்டன.
கொரோனா பெரும் தொற்று காரணத்தால் இந்த பட்டியலில் இடம்பெறாத 14 தேர்வுகளின் முடிவுகள் 08.06.2021 அன்று வெளியிடப்படும் என்று தெரிவிக்கப்பட்டுள்ளது.தமிழக அரசால் ஊரடங்கு அறிவிக்கப்பட்டுள்ள நிலையில் வெளியிடப்படாத தேர்வுகளின் முடிவுகள் அடுத்த மாதம் வெளியிடப்படும் என்றும் தெரிவிக்கப்பட்டுள்ளது.
மேலும், தேர்வர்களின் நலனை கருத்தில் கொண்டு , மே 2021 துறைத் தேர்வுகளுக்கு இணையவழியில் விண்ணப்பிப்பதற்கான கடைசி தேதி , 15.06.2021 வரை நீடிக்கப்படுவதாக தமிழ்நாடு அரசு பணியாளர் தேர்வாணையம் அறிவித்துள்ளது.
