நாடு முழுவதும் உருமாறிய கொரோனா தொற்று பெரும் பாதிப்பை ஏற்படுத்தி வருகிறது.இதனைத் தொடர்ந்து தடுப்பூசி போடும் பணியும் தீவிரமாக நடைப்பெற்று வருகிறது.நாடு முழுவதும் 18 வயதுக்கு மேற்பட்ட அனைவருக்கும் தடுப்பூசி செலுத்தப்பட்டு வருகிறது.இதில் கர்ப்பிணிகள் மட்டும் தடுப்பூசி செலுத்திக்கொள்ளாமல் இருந்தனர்.
இந்நிலையில் கர்ப்பிணிகள் தடுப்பூசி போட்டுக்கொள்ளலாமா ,என்பது பற்றிய ஆய்வு மேற்கொள்ளப்பட்டது.இந்த ஆய்வில் கர்ப்பிணிகளுக்கு தடுப்பூசி செலுத்துவதால் நோய் எதிர்ப்பு சக்தி அதிகரிக்கும் என்பது தெரிய வந்துள்ளது.தேசிய தொழில்நுட்ப ஆலோசனைக் குழுவானது தடுப்பூசி கர்ப்பிணிகளுக்கு பாதுகாப்பானது என மத்திய சுகாதாரத்துறைக்கு பரிந்துரை செய்துள்ளது.
இன்று மத்திய சுகாதாரத்துறை, கர்ப்பிணிகள் கொரோனா தடுப்பூசி செலுத்திக்கொள்ளலாம் என இன்று ஒப்புதல் அளித்துள்ளது.மேலும் கர்ப்பிணிப் பெண்கள், ‘கோவின்’ வலைத்தளத்தில் பதிவு செய்தோ அல்லது அருகிலுள்ள தடுப்பூசி மையத்திற்கு நேரடியாக சென்றோ தடுப்பூசி செலுத்திக்கொள்ளலாம் என்று மத்திய அரசு தெரிவித்துள்ளது.
கர்ப்பிணிப் பெண்களுக்கு தடுப்பூசி போடுவதற்கான வழிகாட்டு நெறிமுறைகள், மருத்துவ அதிகாரிகள் மற்றும் முன்களப் பணியாளர்களக்கான கவுன்சிலிங் கிட் மற்றும் பொதுமக்களுக்கான தகவல் கையேடு ஆகியவை மாநில அரசுக்கு முறையாக அனுப்பப்பட்டுள்ளதாக மத்திய சுகாதாரத் துறை தெரிவித்துள்ளது.
