தமிழகத்தில் கொரோனா தொற்று காரணமாக பள்ளி,கல்லூரிகள் கடந்த மார்ச் மாதம் முதல் மூடப்பட்டன. கொரோனா பொதுமுடக்கம் காரணமாக வகுப்புகள் ஆன்லைனில் நடத்தப்பட்டது,மேலும் மாணவர்களுக்கான செமஸ்டர் தேர்வுகள் ரத்து செய்யப்படுவதாக அறிவிக்கப்பட்டது. இந்நிலையில் இறுதி ஆண்டு படித்த மாணவர்களுக்கு மட்டும் இறுதி செமஸ்டர் தேர்வுகள் ஆன்லைன் மூலம் நடத்தப்பட்டது.
நடப்பாண்டு தொடக்கத்தில் கொரோனாவின் தாக்கம் படிப்படியாக குறைந்து வந்தது.இதனால் வழக்கம் போல் கல்லூரிகள் திறக்கப்பட்டன. பின்னர்,மீண்டும் கொரோனாவின் தாக்கம் அதிகரிக்கத் தொடங்கியதால் இறுதி ஆண்டு மாணவர்கள் தவிர அனைவருக்கும் விடுமுறை அளிக்கப்பட்டது.
தற்போது,என்ஜினீயரிங் கல்லூரி மாணவர்களுக்கு ஆன்லைன் மூலம் தேர்வு நடத்த அண்ணா பல்கலைக் கழகம் அனுமதி அளித்துள்ளது. இதன்படி, பொறியியல் கல்லூரி மாணவர்களுக்கு ஆன்லைன் தேர்வுகள் ஏப்ரல் 15-ந்தேதி முதல் 22-ந்தேதி வரை நடைபெறும் என தெரிவிக்கப்பட்டுள்ளது.
பொறியியல் மாணவர்களுக்கான செய்முறைத் தேர்வை மார்ச் 31 ஆம் தேதிக்குள் முடிக்க அறிவுறுத்தப்பட்டிருந்தது.செய்முறைத் தேர்வை குறிப்பிட்ட காலிதிற்குள் முடிக்க தவறிய கல்லூரிகள்,பல்கலைக் கழகத்திடம் முன் அனுமதி பெற்று பின்னர் நடத்திக் கொள்ளலாம் என கூறப்பட்டுள்ளது.
