அமெரிக்க விஞ்ஞானிகள் புதிய உலகளாவிய கொரோனா வைரஸ் தடுப்பூசி ஒன்றை உருவாக்கியுள்ளனர்.மேலும் இந்த தடுப்பூசியை எலிகளுக்கு செலுத்தி சோதனை செய்ததில் நல்ல பலன் கிடைத்துள்ளதாக தெரிவித்துள்ளனர்.
2019-ம் ஆண்டின் இறுதியில் சீனாவின் வுகான் நகரில் பரவத் தொடங்கிய இந்த கொரோனா வைரஸ் ஆனது,உலகமெங்கும் தனது ஆதிக்கத்தை செலுத்தி வருகிறது.இந்த கொடிய வைரஸானது அவ்வப்போது உருமாறி வருகிறது.இந்த கொடிய வைரஸை முழுமையாக ஒழிக்க பல்வேறு முயற்சிகளில் மருத்துவ அறிஞர்களும்,விஞ்ஞானிகளும் ஈடுபட்டு வருகின்றனர்.
இந்நிலையில் உலகளாவிய தடுப்பூசி ஒன்றை அமெரிக்கா விஞ்ஞானிகள் கண்டுப்பிடித்துள்ளனர்.மேலும் இந்த தடுப்பூசி பற்றிய தகவல்கள் பத்திரிக்கை ஒன்றில் வெளியாகியுள்ளது.
- கொரோனா வைரஸ் என்னும் பெரிய குடும்பத்தின் அங்கமாக சர்பேகோ வைரஸ்கள் உள்ளன. கடந்த 2 சாகாப்தங்களில் (20 ஆண்டுகளில்) பேரழிவு ஏற்படுத்திய 2 நோய்களுக்கு (சார்ஸ் மற்றும் கொரோனா) பிறகு நச்சுயிரியல் வல்லுனர்களின் முன்னுரிமையாக சர்பேகோ வைரஸ்கள் அமைந்துள்ளன.
- இந்த விஞ்ஞானிகள் மெசேஞ்சர் ஆர்.என்.ஏ. தடுப்புடன் தங்களது அணுகுமுறையை தொடங்கினர். மேலும் இது பைசர் மற்றும் மாடர்னா தடுப்பூசி போன்றதாகும்.
- இருப்பினும் ஒரு வைரசுக்கான மெசேஞ்சர் ஆர்.என்.ஏ. குறியீட்டைச் சேர்ப்பதற்கு பதிலாக, பல வைரஸ்களின் மெசேஞ்சர் ஆர்.என்.ஏ.க்களை சேர்த்தனர்.
- எலிகளுக்கு இந்த கலப்பின தடுப்பூசி செலுத்தப்பட்டது. அதில் பல ஸ்பைக் புரதங்களுக்கு எதிராக செயல்படும் நோய் எதிர்ப்பு பொருள் (ஆன்டிபாடிஸ்) உருவானது. இது நல்ல பலனாகும்.
- புதிய உருமாறிய வைரஸ்கள் கண்டறியப்படுகிறபோது, இந்த தடுப்பூசி அதற்கு எதிராக செயல்படும் என்று கூறப்படுகிறது.
- எலிகளிடம் தற்போது மருத்துவ பரிசோதனை நடத்தப்பட்ட நிலையில் அடுத்த ஆண்டு மனிதர்களுக்கு செலுத்தி பரிசோதிக்கப்படும் என்று தெரிவிக்கப்பட்டுள்ளது.
- இதுபற்றி விஞ்ஞானி டேவிட் மார்டினேஸ் கூறுகிறபோது, “எங்கள் கண்டுபிடிப்பு எதிர்காலத்துக்கான பிரகாசமாக தெரிகிறது. நாங்கள் மனிதர்களில் ஆபத்தை ஏற்படுத்தும் வைரஸ்களிடம் இருந்து பாதுகாப்பு அளிக்க கூடுதலான தடுப்பூசிகளை வடிவமைக்க முடியும்” என தெரிவித்துள்ளார். மேலும், இதன் மூலம் சார்ஸ்-கோவ் 3 வைரசையும் தடுக்க முடியும் எனவும் அவர் நம்பிக்கை தெரிவித்துள்ளார்.
