பூமியின் மேற்பகுதியை துல்லியமாக படம் பிடிக்கும் திறமை கொண்ட எஸ்.ஏ.ஆர் (Synthetic Aperture Radar) ரேடார் சாதனத்தை இஸ்ரோ அமைப்பு தயாரித்துள்ளது.இஸ்ரோ அமைப்பானது தற்போது விண்வெளித் துறையில் பல்வேறு முயற்சிகளையும்,கண்டுபிடிப்புகளையும் நிகழ்த்தி வருகிறது .இதன் விளைவாக அதிநவீன ரேடார் ஒன்றை இஸ்ரோ வடிவமைத்துள்ளது .
இஸ்ரோ அமைப்பும்,அமெரிக்க விண்வெளி ஆய்வு மையமான நாசாவும் இணைந்து முதல் முறையாக நிசார் என்ற செயற்கைகோளை அடுத்த வருடம் விண்ணில் செலுத்த திட்டமிட்டுள்ளது. இந்த செயற்கைகோளில் தனித்துவமான எல் பேண்டு (L-band) மற்றும் எஸ் பேண்டு (S-band) ரேடார்கள் பொருத்தப்பட உள்ளது .
இஸ்ரோ அமைப்பானது செயற்கைகோளை விண்ணில் செலுத்துவதற்கான ராக்கெட் மற்றும் எஸ் பேண்டு எஸ்.ஏ.ஆர். ரேடார் போன்றவற்றை வழங்கவுள்ளதாக கூறப்படுகிறது. அதேபோல் நாசா விண்வெளி அமைப்பானது அறிவியல் சார்ந்த அனைத்து தகவல்களையும் சேகரிப்பதற்கு எல் பேண்டு எஸ்.ஏ.ஆர் ரேடார் இருப்பிடத்தை அறிய உதவும் ஜிபிஎஸ் ரிசீவர்(GPS) போன்றவற்றை வழங்கும் என தெரிவிக்கப்பட்டுள்ளது.
இஸ்ரோ தலைவர் கே.சிவன் அவர்கள் ரேடார் சாதனத்தை வீடியோ கான்பரன்ஸ் வழியாக பங்கேற்று கொடியசைத்து அமெரிக்காவுக்கு அனுப்பி வைத்தார்.
நாசா விண்வெளி அமைப்பு இந்தியாவிலிருந்து பெறப்பட்ட ரேடார் சாதனத்துடன் மற்ற பிற பாகங்களை இணைத்து மீண்டும் இந்தியாவிற்கு அனுப்பும் என்று தெரிவிக்கப்பட்டுள்ளது.பின்னர் ஆந்திர மாநிலம் ஸ்ரீஹரிகோட்டாவில் இருந்து நிசார் செயற்கைகோள் விண்ணில் செலுத்தப்படும் என கூறப்பட்டுள்ளது.
