இந்தியாவில் புதிதாக கண்டறியப்பட்டுள்ள ‘டெல்டா பிளஸ்’ என்ற மாறுபட்ட கொரோனா வைரஸ், கவலையளிக்கக் கூடியதாக இன்னும் வகைப்படுத்தவில்லை என நிதி ஆயோக் உறுப்பினர் (சுகாதாரம்) மருத்துவர் வி.கே. பால் அவர்கள் கூறியுள்ளார்.
‘டெல்டா பிளஸ்’ என்ற புதிய மாறுபட்ட கொரோனா வைரஸ் வகை கண்டறிப்பட்டுள்ளது. இதன் தற்போதைய நிலவரம், புதிதாக கண்டறியப்பட்ட வைரஸ் (Variant of Interest (VoI)). இது கவலையளிக்கக் கூடியதாக Variant of Concern (VoC). இன்னும் வகைப்படுத்தப்படவில்லை. மேலும் இவை கவலையளிக்கக் கூடிய வகை என்றால், பரவும் வேகம் தீவிரமாக இருக்கும் என்று கூறப்பட்டுள்ளது.
தற்போது ‘டெல்டா பிளஸ்’ கொரோனாவின் தன்மை பற்றி விரிவாக தெரியவில்லை . இந்த மாறுபட்ட வகை கொரோனா நம் நாட்டுக்கு வெளியே கண்டறிப்பட்டுள்ளது. இதன் மரபியல் குறித்து ஆராயும் இந்திய கோவிட் கூட்டமைப்பு (இன்சாகாக்) மூலம் கண்காணிக்க வேண்டும். இதுதான், இந்த அமைப்பில் உள்ள 28 ஆய்வு மையங்களின் எதிர்காலப் பணி. இந்த அமைப்பு இதனைத் தொடர்ச்சியாக கண்காணித்து ஆய்வு செய்யும்.
இந்த மாறுபட்ட கொரோனவை , நாம் எந்த ஆயுதம் கொண்டும் அழிக்க முடியாது என்பதை நினைவில் கொள்ள வேண்டும். இதை கண்காணித்து, அதன் தன்மையை புரிந்து கொண்டு, அதற்கேற்ற தடுப்பு நடவடிக்கைகளை நாம் மேற்கொள்ள வேண்டும். இதில் கோவிட் கட்டுப்பாட்டு நடவடிக்கைகள், கோவிட் தடுப்பு நடவடிக்கைகளின் விதிமுறைகளும் அடங்கியுள்ளன.இவற்றை நாம் முறையாக பின்பற்றுதல் வேண்டும்.
கோவிட் தடுப்பு நடவடிக்கைகளை முறையாக பின்பற்றுவதன் மூலம், எந்த வகை மாறுபட்ட கொரோனவையும் நம்மால் சமாளிக்க முடியும். தொற்றுக்கு அடிப்படை காரணம், பரவல் சங்கிலிதான். இந்த பரவல் சங்கிலியை நாம் முறித்துவிட்டால், எந்த வகை மாறுபட்ட கொரோனா பரவலையும், நம்மால் கட்டுப்படுத்த முடியும் என்று மருத்துவர் வி.கே.பால் கூறியுள்ளார்.
