கொரோனாவின் இரண்டாவது அலை இந்தியாவிற்கு மிகப்பெரிய சவாலாக இருந்தது.இந்தியாவில் கொரோனாவால் இதுவரை 2.98 கோடி பேர் பாதிக்கப்பட்டு உள்ளனர். 3.85 லட்சத்துக்கு மேற்பட்டோர் உயிரிழந்துள்ளனர்.இந்தியாவில் கொரோனாவின் 3-வது அலை குறித்து மருத்துவ நிபுணர்களும், விஞ்ஞானிகளும் பல்வேறு கருத்துகளை கூறி வருகின்றனர்.
சமூக இடைவெளியை முறையாக மக்கள் கடைபிடிப்பதில்லை மற்றும் முக கவசம் முறையாக அணிவதில்லை. இதன் காரணமாகவே மூன்றாவது அலையை இந்தியா எதிர்க்கொள்ளும் அபாயம் உள்ளதாக கூறப்படுகிறது.
இந்தியாவில் கொரோனாவின் 3-வது அலை 6 முதல் 8 வாரத்தில் தாக்கும் என்று எய்ம்ஸ் டாக்டர் ரன்தீப் குலேரியா தெரிவித்து உள்ளார்.மேலும் இதன் பாதிப்பு இப்போதிருந்தே ஆரம்பித்திருக்கும் என்று கருதுவதாக கூறியுள்ளார்.அடுத்த 6 முதல் 8 வாரங்களுக்குள் கொரோனாவின் 3-வது அலை ஏற்படும். இது சில காலத்துக்கு இருக்கலாம் என்று கூறியுள்ளார். கூட்டத்தை கட்டுப்படுத்துவது உள்ளிட்ட கொரோனா வழிகாட்டு நெறிமுறைகள் அனைத்தையும் பின்பற்றுவதை பொறுத்து எல்லாம் இருக்கிறது.
கொரோனா 3-வது அலையை எதிர்கொள்ள மத்திய, மாநில அரசுகள் எல்லாவிதமான முன்னெச்சரிக்கை ஏற்பாடுகளையும் தீவிரப்படுத்தி உள்ளதாக தெரிவிக்கப்பட்டுள்ளது.
