இந்தியாவில் கொரோனாவின் தாக்கமானது மீண்டும் அதிகரித்து வருகிறது .நாடு முழுவதும் கடந்த 24 மணிநேரத்தில் புதிதாக 18,327 பேருக்கு கொரோனா நோய்த்தொற்று உறுதி செய்யப்பட்டுள்ளது .
சனிக்கிழமை காலை 8 மணி நிலவரப்படி (கடந்த 24 மணி நேரத்தில்) ,புதிதாக 18,327 பேருக்கு புதிதாக கொரோனா பாதிப்பு உறுதி செய்யப்பட்டுள்ளது .இதன்மூலம் நாடு முழுவதும் கொரோனா பாதித்தவர்களின் மொத்த எண்ணிக்கை 1,11,92,088 ஆக அதிகரித்துள்ளது உள்ளது .இந்தியாவில் கொரோனா மீண்டும் அச்சுறுத்தலை ஏற்படுத்தி வருகிறது .
ICMR (இந்திய மருத்துவ ஆராய்ச்சி கவுன்சிலின்) புள்ளிவிவரப்படி ,இதுவரை கொரோனா நோய்த்தொற்றால் சிகிச்சை பெற்று குணமடைந்தவர்களின் எண்ணிக்கை 1,08,54,128 ஆக உள்ளது.கொரோனா நோய்த்தொற்றின் காரணமாக உயிரிழந்தவர்களின் மொத்த எண்ணிக்கையானது 1,57,656 ஆக உள்ளது
இந்தியா முழுவதும் தற்போது கொரோனவுக்காக 1,80,304 பேர் சிகிச்சைப்பெற்று வருகின்றனர் .மேலும் இந்தியா முழுவதும் 22,06,92,677 பேருக்கு கொரோனா தொற்று கண்டறியும் பரிசோதனை மேற்கொள்ளப்பட்டுள்ளதாகவும் தெரிவிக்கப்பட்டுள்ளது .நேற்று (வெள்ளிக்கிழமை) மாலை நிலவரப்படி இந்தியா முழுவதும் கொரோனா தடுப்பூசி 1,94,97,704 பேருக்கு செலுத்தப்பட்டுள்ளதாக மத்திய சுகாதாரத் துறை தெரிவித்துள்ளது.
