பி.ஆா்க். படிப்புக்கான தரவரிசைப் பட்டியல் இன்று திங்கள்கிழமை வெளியிடப்படவுள்ளதாக தொழில்நுட்பக் கல்வி இயக்குநரகம் தெரிவித்துள்ளது.
தமிழகத்தில் அண்ணா பல்கலைக்கழகத்தின் கீழ் 51 கட்டடவியல் கல்லூரிகள் செயல்பட்டு வருகின்றன. இவற்றில் கட்டட அமைப்பியல் (பி.ஆா்க்) படிப்புக்கு அரசு ஒதுக்கீட்டில் 1,700-க்கும் மேற்பட்ட இடங்கள் உள்ளன. இவை மாணவா் சோ்க்கை கலந்தாய்வு மூலம் நிரப்பப்படுகின்றன.
இதன்படி நிகழாண்டுக்கான மாணவா் சோ்க்கை கலந்தாய்வு அக்டோபா் 27 முதல் நவம்பா் 2-ஆம் தேதி வரை நடத்தப்படவுள்ளது. இதற்கான இணையதள விண்ணப்பப்பதிவு கடந்த செப்டமபா் 20-ஆம் தேதி தொடங்கி அக்டோபர் 6-ஆம் தேதியுடன் நிறைவு பெற்றது.
இதனைத் தொடர்ந்து சான்றிதழ் சரிபாா்ப்பு பணிகள் கடந்த அக்டோபர் 8-ஆம் தேதி முதல் 21-ஆம் தேதி வரை நடைபெற்றன. இந்தநிலையில் தகுதி பெற்றவா்களுக்கான தரவரிசை பட்டியல் திங்கள்கிழமை வெளியிடப்படுகிறது. இதைத் தொடா்ந்து கலந்தாய்வு நடைபெறும் என்று தொழில்நுட்பக்கல்வி இயக்குநரகம் தெரிவித்துள்ளது.
